Programa de Emprego Xuvenil : "Mocidade con Emprego"

Como invitada a este Blog quero compartir con vosotros/as un Programa de Emprego Xuvenil que está a levarse a cabo no Concello de Santiago, desde a Axencia Local de Colocación, e que tén como obxectivo mellorar a empregabilidade dos mozos e mozas de Santiago fundamentalmente, aínda que pode abarcar tamén a mozos e mozas doutros concellos galegos.

O Programa Plan Xuvenil de Integración profesional "Mocidade con Emprego" Santiago 2017-2020 está cofinanciado polo Fondo Social Europeo a través da Iniciativa de Empleo Juvenil e  Garantía Xuvenil.

Este Programa está dentro do marco das  Axudas Programa Operativo Empleo Juvenil (POEJ)

para o ano 2017, destinadas á integración sostible de persoas novas no eido do traballo e no contexto de Garantía Xuvenil.

Obxectivo xeral

A tasa de desemprego xuvenil é moi elevada aínda que non haxa un censo exacto que recolla o nivel de ocupación da xente nova, posto que:

• Non se parte da misma idade nos censos realizados ( a idade máxima varía entre 25 e 30 anos)
• A xente nova sigue formándose debido a escasez de oportunidades laborais e non se inscribe como demandante de emprego.
• A elevada emigración deste colectivo e fuga de talentos

As persoas novas son as máis vulnerables, son o eslabón máis débil da cadea xeneracional nestes momentos, xa que con independencia do nivel de estudios acadados e tendo en conta os períodos transitorios que atraviesan nas súas vidas:

• Teñen poucas oportunidades
• Realizan traballos de pouca remuneración e/ou de naturaleza temporal
• Carecen de carreira profesional
• Desempeñan  traballos  para os que teñen unha sobrecualifcación.

Con este Programa  búscase estabilizar a formación profesional, a intermediación laboral e o asesoramento dos mozos e mozas demandantes de emprego da cidade, para mellorar a súa empregabilidade  para o acceso ao mercado de traballo local e ao emprendemento.

Obxectivos específicos

• Fomentar a cualificación profesional a través dunha formación acreditada por Certificados de Profesionalidade
• Impulsar e/ou  mellorar a formación en idiomas e manexo das Tics
• Mellorar as súas competencias e habilidades sociais
• Incentivar a súa contratación e o acceso ao emprego
• Fomentar a cultura emprendedora e o emprendemento
  
  

Destinatarios/as

• Mozos/as, maiores de 16 anos e menores de 30
• Desempregados/as, non integrados/as nos sistemas de educación ou formación
• Estar rexistrados/as no ficheiro do Sistema Nacional de Garantía Xuvenil.

O Programa lévase a cabo a través do slogan : "Ponte en Marcha"

Os participantes no Programa realizarán un itinerario formativo e laboral personalizado que lles vai a axudar na procura de emprego.

Mellorarán as súas competencias personais e habilidades sociais coa realización de prácticas profesionais non laboráis en empresas relacionadas coa formación adquirida.

Durante todo o Programa disporán  tamén dun acompañamento persoalizado de asesoramento que lles axude a construir o seu propio itinerario.

Disporán dunha axuda económica de 350 € ao mes durante o período de realización das actividades formativas e as prácticas

Todas as acción desenvolveranse en 19 itinerarios formativos, donde se formarán a un total de 323 persoas, 17 en cada un deles. En todos eles primaráse a práctica laboral.

Os itinerarios profesionais correspóndense con especialidades profesionais con oportunidades de crecemento e emprego no mercado laboral local.

A avaliación do Programa mediráse polos resultados cuantitativos do proxecto:

Usuarios formados. Con ampliación e mellora da oferta de capacitación técnica.

Usuarios insertados. A mellora da súa empregabilidade permítelles adaptarse as oportunidades de emprego e acceder a un emprego de máis calidade.

Empresas creadas. O desenvolvemento de competencias emprendedoras facilitarálles o autoemprego e/ou emprendemento colectivo.

Para saber más:

Bases da convocatoria Mocidade con Emprego

Qué es el Registro de Garantía Juvenil

POEJ (Programa Operativo de Empleo Juvenil)